Pa mehorá transporte pa pueblo, ABC Busbedrijf ta haña 2 mion pa kumpra 5 bùs nobo
Publiká riba
22 Yanüari 2024
Willemstad – Riba 19 di yanüari Minister Charles Cooper a logra pa ABC Busbedrijf risibí 2 mion adishonal pa kompra di 5 bùs nobo pa 2024. Meta di esaki ta pa por mehorá transporte públiko pa pueblo di Kòrsou.
Minister Charles Cooper i Minister Javier Silvania a logra pa aloká sufisiente fondo pa esaki. Sr. John Cijntje di ABC Busbedrijf tabata presente pa risibí e dekreto ministerial.
Minister Cooper ta felisitá gerensia i personal di ABC Busbedrijf. Danki na parlamentarionan ku a pone enfasis pa por a logra esaki.
