WILLEMSTAD – Ya ta un tradishon ku señor Norwin Martina mihó konosí komo Kapelan Martina i su tim, ta hasi entrega di Pan Dushi di Pasku, esta Pan di Amor, na klientenan di prizòn den temporada di fin di aña.
E aña akí tabata di 26 aña ku e pan di amor a keda entregá na prizòn. P’esei pa ku e okashon akí tabatin un seremonia spiritual na entradá di prizòn kaminda a hasi entrega ofisial di e promé pan di amor na direktor suplente señor Anthony Hasselmeijer i despues na hefe di detenshon señor Ludwig Maria.
Gerensia di prizòn ta gradisí señor Norwin Martina i su tim pa e bunita gesto duna na klientenan di SDKK.
