Publiká riba 15 Òktober 2024
Willemstad – Dia 15 di òktober ta kuminsá parkermentu pagá pa e regiónnan Punda i Otrobanda. Pa parkermentu lo mester paga for di djaluna te djasabra entre 8or di mainta pa 6or di atardi. Riha diadomingu i dia di fiesta parkermentu ta grátis. Pa tur área di parkermentu, e mesun tarifa ta konta. Un mínimo di 1 ora ta Nafl. 1,= i kada siguiente mei ora ta kosta Nafl. 0,50. Parkermentu pagá ta basá riba registrashon di plaka di number di vehíkulo.
E automobilista por paga na e diferente meter di parker òf via e app móbil “Flowbird Curaçao”, ku bo por download via Apple Store òf Google Play.
E meternan tin un pantaya grandi di kolo, ku ta keda visibel asta ora ku solo ta fuerte. Ora bo ta usa e meter, bo mester hinka bo plachi di number promé, despues bo ta skohe e método di pago; ku sèn kèsh òf ku e “Parking card” prepagá. No por paga ku un karchi di banko.
Pago ku sèn kèsh
Si ta paga ku sèn kèsh, e tempu di parkeo ta dependé di e kantidat di sèn ku bo tira den e meter. Bo por paga ku moneda di Nafl. 5,=, Nafl. 1,=, Nafl. 0,25 i Nafl. 0,10. Komo e moneda di Nafl. 0,50 ta kuadrá, e no por wòrdú aseptá ainda, pero si ora di introdukshon di e monedanan nobo. E meternan no ta duna sèn bèk. E kliente lo haña un bon di parker ku e mester pone riba e ‘dashboard’ di e outo.
Prepaid Parking Card:
Si paga ku e ‘Prepaid Parking Card’, bo mester skohe e tempu di parker i paga sin kontakto. E kliente lo haña un bon di parker ku mester pone riba e ‘dashboard’ di e outo. E tarhetanna por wòrdú kumprá na e agente di parker den sentro di siudat, i nan por rekargá e tarhetanan ora paga pa esaki, pero nan no lo aseptá sèn kèsh pa motibu di siguridat. E tarheta lo kosta Nafl. 3,= sin saldo. E mínimo pa yena lo ta Nafl. 5,= i e máksimo ta Nafl. 50,=. Tarhetanan tambe por wòrdú pidí via e number di telefòn 465-1047 òf via e e-mail info@parking.cw.
Flowbird Mobile App:
Si bo ke paga ku e app móbil, bo mester download i instala e app via “Apple Store” òf “Google Play”. Ora bo habri e app, bo mester skohe e región Kòrsou, despues bo por registrá ku nunber di telefòn òf e-mail.
Después di registrashon, bo por hinka bo plachi di number di outo, i por hasi esaki ku diferente plachi di number bou di mesun kuenta. Pa paga, bo mester hinka un credit card òf debit card den e kuenta bou di método di pago. Selekshoná ‘E-wallet’ i e data lo wòrdú wardá. E valuta ta USD $, ku un mínimo di USD 12 i un máksimo di USD 50.
Pa kumpra tempu di parkeo, bo mester klek riba un meter di parker den e app, i despues bo por indiká e tempu di parker. Ora konfirmá, e kantidat di parker lo wòrdú kitá for di e E-wallet. No tin bon di parker, asina bo no tin nodi di bai na un meter òf bèk na bo outo. Ora e tempu ta kaba, bo lo risibí un notifikashon i bo por rekargá e tempu di parker for di kualke lugá.
Klèm di wil:
Si un automobilista no a paga, lo pone un klèm di wil riba e outo. E kontroladólo pega un steker riba e bentana di e shòfùr ku ta indiká loke e shòfùr mester hasi. Pa kita e klèm di wil, bo por yama e sentral ku ta habri 24/7, via telefòn 465-1047. Den algun minút e kontroladó lo yega na e outo i bo por paga via método di pago digital, pa asina e klèm wòrdú kitá mesora. Bo no tin ku bai na un ofisina pa paga i despues bai bèk na bo outo pa warda pa nan kita e klèm. Paga ku kèsh no ta aseptá.
Informashon di kontakto:
Pa mas informashon, bishitá e website www.parking.cw, telefòn: 4651047, òf e-mail: info@parking.cw.
