Publiká riba 29 Novèmber 2023
Willemstad/ Medellin – Resientemente un delagashon di personal di Sentro di Detenshon i Korekshon Kòrsou (SDKK) a hasi un bishita di trabou na ‘Carcel y Penitenciaría de Bellavista ‘ kual ta un prizòn aya na Medellin Colombia.
E meta di e bishita aki tabata unu Informativo, pa asina por a haña un bista general di e sistema penitensiario i tambe e metodonan di resosialisashon ku ta ser usa den e prizòn na Medellin. Den Kuadro di e bishita aki a hasi un rekoridó den e prizòn di Bella Vista kaminda por a mira diferente programanan di resosialisashon entre otro: kosemente, trahamentu di sapatu, karpiteria, panaderia, agrikultura i tambe krio di bestia. E rekoridó a bin terrminá ku un lunch di kortesia di e direktor di e prizòn “ Bella Vista”.
Finalmente señora Valentijn komo lider di delegashon i señor Pinedo Bosero di SDKK den representashon di Gerensia di prizòn a hasi entrega di un opsekio traha pa e departamentu di Karpiteria aki na Kòrsou.
Por mira bèk riba un bishita di trabou eksitoso i balioso. Pesei den kuadro di esaki e delegashon di SDKK, kier gradisi nos direktor suplente señor Hasselmeijer i tambe Kònsul Colombiano aki na Kòrsou pa su koperashon pa hasi e bishita aki realisabel.
