Notisia

Willemstad – Lokèt di Pèrmit di Ministerio di Maneho di Gobernashon, Planifikashon i Servisio Públiko, ta informá ku e periodo pa entregá petishonnan pa pèrmit ta habrí.
Lokèt di Pèrmit ta anunsiá e último fecha pa hasi petishon pa pèrmitnan relashoná ku selebrashon di Dia di Rèi 2024 aki na Kòrsou, kual ta dia 27 di aprel 2024. Ta trata di pèrmit pa Puesto Fiho Temporal (Tijdelijke Standplaatsvergunning) i pèrmit pa Puesto Ambulante Temporal (Tijdelijke Ventvergunning).

• Último fecha pa hasi petishon Pa Pèrmit di Evenementu ta
  29 di mart 2024.
• Último fecha pa hasi petishon pa Pèrmit Puesto Fiho i Puesto Ambulante ta
  5 di aprel 2024.

Personanan interesá pa un pèrmit den sentro di siudat mester akudí na e organisadó di e zona konserní ku ta:

• Zona 1 Fundashon Marshe
  Liezelot Braaf & Dianne Schenk
  511-1176 / 521-8213
  dschenk@fundashonmarshe.com
• Zona 2 Dutch Dream Special Event
  Ed Craane
  561-1941
  info@dutchdreamcuracao.com
• Zona 3 Pietermaai District
  Wendy Jane
  526-0730
  maxvangennip@gmail.com
  empresscuracao@gmail.com
• Zona 4 i 6 Sosiedat di Komersiantenan di Otrobanda (SKO)
  Raymond Isenia
  526-4860 / 515-8767 / 462-3591
  sko.otrobanda@gmail.com

Pa esnan ku ta deseá tambe un pèrmit pa organisá un evento pafó di sentro di siudat por pasa personalmente na Lokèt di pèrmit. Pa un pèrmit di Puesto Fiho Temporal òf pèrmit Ambulante Temporal pafó di sentro di siudat interesadonan por tuma kontakto ku esun ku ta organisá e evento.
Ta pidi pa tuma bon nota di e fechanan ariba menshoná i pèrkurá pa bo tin tur e dokumentonan na òrdu.

Pa mas informashon por bishitá nos Lokèt Digital via loketdigital.gobiernu.cw Tambe nos ta alkansabel via number di telefòn 433-3123 òf Whatsapp 433-3127.

Lokèt di Pèrmit ta situá na Saliña 127 Eurobuilding (Banda di Subway).

Orario:  djaluna pa djaweps 08:00 – 15:00 or
              djabièrnè 08:00 – 12:00 or

MAS NOTISIA

Ministerio konserní: Maneho di Gobernashon, Planifikashon i Servisio Públiko