Publiká riba 02 Mei 2024
Willemstad- Servisio pa Tráfiko i Transporte ta informá ku entrante djaluna 6 di mei 2024, por hasi petishon pa papel di bon kondukta pa uso den transporte públiko via di email na e adrès tp.uovv@gobiernu.cw.
Na momentu ku ta manda email, mester indiká e motibu di e petishon pa e papel di bon konduktá den transporte públiko, i mester agregá pa un kopia di identifikashon bálido.
Meta di esaki ta pa fasilitá e proseso pa e kliente, i pa minimalisá fluho di klientenan na lokèt di UOVV.
