Publiká riba 23 Aprel 2025
Willemstad – Djárason, 23 di aprel 2025, Promé Minister di Kòrsou, Gilmar Pisas, a risibí bishita di Minister di Asuntunan Ekonómiko di Hulanda, Dirk Beljaarts. Minister Beljaarts ta na Kòrsou pa un bishita di trabou kaminda e kier fortifiká e kolaborashon ekonómiko i stimulá empresario lokal.
Durante e bishita fruktífero i den un bon esfera a kòmbersá tokante e areglo di fiansa ‘Borgstelling MKB-Kredieten’ (BMKB) i ‘Rijksdienst voor Ondernemend Nederland’ (RVO) ku ta atendé e fiansiamentu pa e areglo BMKB. Tambe a para ketu riba ekonomia i turismo en general, e konekshon entre merkado laboral i nos sistema di enseñansa i por último tambe a papia tokante e asina yamá ‘Tourism Satellite Account’ ku ta un método mundialmente rekonosí pa asesorá ekonomia i spesífikamente den sektor di turismo tambe.
Promé Minister Pisas a finalisá bisando ku pa Kòrsou e ta keda importante pa nos tin i mantené un bon entendimentu, relashon i koperashon ku Hulanda. Minister Beljaards a surprayá e pensamentu di Promé Minister.
Minister Beljaards tabata akompañá pa sra. Irene Uitermark (Directeur Regio en Ruimte, di Ministerio di Asuntunan Ekonómiko i sra. Saskia de Reuver (Directeur Landen i alabes Representante a.i. di Hulanda na Aruba, Kòrsou i Sint Maarten).
