Publiká riba 24 Sèptèmber 2025
Willemstad, 23 di sèptèmber 2025 – Kuater kliente di Proyekto Barber, I back to school a hasi bishita awe komo peladò na klinika Caprilles .
Despues di a terminá e kurso di barberia na SDKK ku éksito, nan a haña e oportunidat pa usa nan abilidatnan pafó di SDKK.
Awe 23 di september 2025, ku entusiasmo y dedikashon nan a duna un total di 21 kliente un korta di kabei.
Loke a kuminsá komo un programa di siñamentu den e proyekto di barberia paden den SDKK awor ta kresiendo den algu muchu mas grandi:
un movementu den kua klientenan no solamente ta siña un ofishi pero tambe ta rekobrá konfiansa ku nan ta balioso i por kontribuí algu balioso na sosiedat.
E oportunidat pa pela klientenan na Klínika Capriles ta marka un kontinuashon importante di e trayekto aki, den kua siña, krese i duna bèk ta sentral.
Pa e klientenan di SDKK e bishita aki a nifiká mas ku djis un kòrtamentu di kabei—e tabata un chèns pa sinti nan mes orguyoso, konektá i duna bèk. “Ta dushi pa mira kon kontentu e klientenan ku nos pela ta keda”, i nos ta gradesido ku boso di SDKK ta kere den nos i bendishonà nos ku e oportunidat pa sali i bai pela,segun klientenan di SDKK.
Ku e inisiativa aki, Proyekyo barber ta demostrà ku resosialisashon ta kuminsà ku ofrese oportunidatnan.
Dor di stimulà klientenan pa utilisà nan talentonan, nan konfiansa propio ta krese i nan ta realisà ku nan por hunga un rol positivo den komunidat.
Nos ta ekspresa nos profundo gratitud na Klinika Caprilles pa e apertura i boluntat pa hasi e proyekto aki posibel.
Danki na tipo di kolaborashonan aki,nos klientenan tin oportunidat pa krese mientras simultaneamente ta duna bek na komunidat.
