Nan ta bishitá skolnan sekundario huntu ku nan tim di dosente. A la bes nan a tene un bunita presentashon i hasi entrega di nan proyekto na minister di ESKD sr. Sithree van Heydoorn kaminda nan a mustra riba e importansia di kuido di nos grandinan. Durante di e bishita ameno Minister a kòmbersá den un ambiente sumamente bunita. Vários di e alumnonan a konta di nan eksperiensia ku e proyekto i e bishita na e adulto mayó.
E alumnonan di e área di kuido i bienestar (Helpende Zorg en Welzijn) ta traha ku e adultonan den e parti di kuido den kas i asistensia den kuido personal. E alumnonan den e área di deporte i rekreashon (Sport en Recreatie) ta duna asistensia i guia aktividatnan ligero físiko. Tur esakinan ta forma parti integral di e tarea ku e alumnonan ta haña den e proyekto. Nan ta guiá pa un tim di lider di e skol mes ku ta: Dietrich Winklar, Suzy Bergland-Balentin, Guilluama Coffie, Tom Verbeek i Eric Koeks. Minister ta sumamente kontentu ku e bishita i a indiká di bai traha ku un skol sekundario aki na Kòrsou riba e proyekto similar ku esaki i huntu ku e skol sekundario MBO Bonaire/SGB.
Minister di ESKD sr. Sithree van Heydoorn ta yama Angelly Wijman, Carlina Winklaar Lebron, Genesis Pichardo Martinez, Juleisy Alberto, Kelis Courtar, Leantely Mary Winklar, Manuel de Leon Briceño, Maria Largo Marin, Mary-ann Bernadina, Naomie Leonora, Sergina Bryson, Sharsmely Samson, Shjandra Havedings, Sujayley Muller, Angelo S. B. Cicilia, Yamir A. Rojas Anccalle, Kamila Azuaje Aguilar, David Picahardo Mendoza, Denssy Solano, Elionard Janga i Samuel Gomez Hincapie danki pa e atardi ameno.
—
KOMUNIKASHON
**Riba e fotonan por tuma nota di e bishita.
