Publiká riba 02 Òktober 2025
Ministerio di Tráfiko, Transporte i Planifikashon Urbano (VVRP) a inisia un proyekto pa hasi konteo pa evaluá tráfiko riba e kaminda pa bai Banda Abou konosi komo Weg naar Westpunt.
Durante di 2 siman largu for di djadumingu 28 di sèptèmber pa djadumingu 12 di òktober ta kolekshoná datos tokante intensidat di tráfiko riba e kaminda prinsipal aki.
Ta analisá patronchi di fluho diario di tráfiko a base kantidat di vehíkulo ku ta pasa riba e vianan di:
Ta registrá intensidat segun zona i pone relashon entre área residensial, área di trabou, zona turístiko, i e adernan prinsipalnan di tráfiko durante di e siman kompletu pa e periodo determiná. Esaki ta sosodé hasiendo uso di aparatonan sistemátiko.
Nos infrastruktura ta konsistí di 252,1km di kaya primario i sekundario, i 900km di kayanan tersero.
Basá riba analisis, por implementá solushonnan pa e tráfiko ku ta mas dirigi i efisiente, por adaptá na e karakteristikanan spesífiko di kada área di Banda Abou, ku ta den desaroyo ku barionan nobo manera Wechi i otro areanan turístiko.
Nos por definí un maneho i strategia mas estrecho kaminda por hasi mantenshon di kaminda mas efisiente i mehorá seguridat. Riba largu plaso, e informashon aki lo kontribuí na un Kaminda pa bai Banda Abou mas sigur, sostenibel i resiliente.
