PTH ta desmantelá fundeshi i tuma betònplèks den ‘bewaring’
Publiká riba
20 Desèmber 2025
Willemstad – Riba djabièrnè 19 di desèmber 2025, Projectteam Toezicht en Handhaving (PTH) a desmantelá fundeshi i tuma betònplèks den ‘bewaring’.
Esaki a bin despues ku PTH a konstatá okupashon ilegal di tereno di gobièrnu, i trabounan di konstrukshon ilegal den área di Sabana Baka.
PTH a konstatá tambe ku e personanan konserní a sigui traha no opstante ku PTH a para e trabou i pone bòrchi di stòp na e sitio. A traha e fundeshi kaba i a prepará esaki pa basha e betòn.
PTH a tuma un akshon di prekoushon i a desmantelá e tapanan di betònplèks, i di e moda aki stòp e personanan di sigui avanzá. PTH ta preparando pa bai kita e fundeshi for di e tereno.
