PTH ta para trabou den área di Fuik temporalmente
Publiká riba
28 Yanüari 2026
Willemstad – Riba 28 di yanüari 2026 alrededor di 6.17pm Projectteam Toezicht en Handhaving (PTH) a haña un notifikashon ku na Fuikbaai, tin persona ku makinaria pisá ta koba kantu di kosta.
Na yegada di PTH, a papia ku e kabesante di mantenshon di Santa Barbara ku a splika PTH ku tin un kaya ta kore for di Santa Barbara bai te na e ‘sijnpost’, i ku e kaya tin mester di mantenshon.
Segun e kabesante ta splika, laman a subi i a kuminsá kibra e kaya. Tambe e kabesante a indiká ku nan no ta deshasí di nungun palu di mangel, i ku kontrali na esaki, nan ta deseá na kuida palunan di mangel den e área, i ku lo ke asta planta mas palu di mangel.
Den e kaso aki, segun e kabesante ta splika, lo mester snui algun palu di mangel pa pasa ku outo pa por yega na e ‘sijnpost’.
Alabes e kabesante a indiká ta ku ta trata di tereno propio.
