Publiká riba 21 Òktober 2025
Pa hopi aña kaba habitantenan riba ruta di karnaval —spesialmente na Wishi/Marchena — ta traha ‘stellage’, ‘steiger’ i otro tipo di konstrukshon riba tereno privá pa por wak marcha di karnaval.
Sinembargo, asta na momentu ku e konstrukshon ta riba tereno privá, tin reglanan ku mester sigui.
Tene na kuenta:
Tur ‘stellage’ i otro konstrukshon temporal, mester ta kompletamente desarmá i limpía ora no tin marcha di karnaval. Esaki ta konta pa tereno privá tambe.
Pa e temporada di Karnaval 2026, ta konta ku: promé ku 22 di febrüari 2026 pa 15:00, no por tin ningun konstrukshon òf parti di e konstrukshon pa para wak marcha di karnaval riba tereno privá.
Personanan sin pèrmit di prekario pero ku ke pone konstrukshon riba su tereno privá, mester sigui mésun reglanan pa harma i desarmá manera ta indiká den e pèrmit pa konstrukshon riba kaminda públiko.
Huntu nos ta yuda pa tene un karnaval sigur i òrdená.
