Notisia

Konseho di Minister a aprobá e rapòrt di “Konseho Kultural Kòrsou” kaminda sr. Randal Corsen a keda presentá komo ganadó di e Premio Cola Debrot 2018, ku e aña akí ta den kuadro di ‘músika’. Nicolaas (Cola) Debrot (Kralendijk, 4 mei1902 – Amsterdam, 3 desèmber 1981) tabata un eskritor, poeta, dòkter, d iplomátiko, hurista, eskritor antiano, minister, filósofo ku ta keda konsiderá komo e fundadó di literatura antiano-hulandes. El a debutá  na aña 1935 ku e novela “Mijn zuster de negerin”. E premio  Kultural prestigioso di Kòrsou ta karga su nòmber: Premio Cola Debrot. Miembronan di hurado ku a hasi entrega di e eskoho ta sra. Verele Engels (presidente), sr. Rignald, sr. S. Recordino, sr. Pernell L. Saturnino, sr. Henri R. Moen i sr. Percy Pinedo. E kriterionan riba kua e premiashon a keda basá ta e siguiente aspektonan:

• Dedikashon, amor i pashon di sr. R. Corsen pa ku su trabou di arte musikal;
• Ta trata di un persona relativamente hóben i ku por ta un estímu lo pa otro hóbennan pa dediká mas na nan pashon (arte músikal);
• Su dedikashon na músika, for di e momento ku el a kaba su akademia di músika na Ulanda te dia di awe e ta sumamente aktivo den e mundu akí;
• Su afan, sigur durante último 10 añanan, pa promové músika krioyo , generá jazz komo músika klásiko; den su grabashonnan, aktuashon lokal i internashonal, ku músikonan lokal i internashonal, ku orkesta Metropole di Amsterdam;
• Su empeño, pa pone nos músika riba un pedestal internashonal, ku e.o. homenahe na Rignald Recordino, Famia Palm, Rudy Plaate i tambe músikonan klásiko;
• Su partisipashon den nos farándula lokal, ku konsiertonan di fin di aña , ku su partisipashon na nos festival di Tumba, su empuhe i sosten na nos artista/kantantenan lokal; Su inflensha, komo dosente di músika i su empeño pa instituí un kurso di músika di Kòrsou.

E premiashon di Cola Debrot ta konsistí di un suma di Nafl 5.000 i un broche (“speld”) di oro den forma di un imágen di flor di e palu “Laraha”. E palu di Laraha ta aparesé tambe riba nos eskudo. Di e forma aki e premio ta keda konektá ku un di nos símbulo nashonalnan. Entrega di e premio aki ta tuma lugá 4 di mei próksimo, riba fecha natal di Cola Debrot (qepd), na Museo di Kòrsou.

MAS NOTISIA

Ministerio konserní: Enseñansa, Siensia, Kultura & Deporte