Publiká riba 27 Mart 2025
Na februari último minister di Maneho di Gobernashon , Planifikashon i Servisio Públiko Shalten Hato a aprobá un reglamentu di proseso pa Huurcommissie. Esaki ta un logro grandi pa e komishon ku awor pa prome bia den su historia ta konosé un reglamentu di proseso.
E proseso na Hulandes ya a ser publiká den Landscourant.
Minister Hato a bin ku otro inovashon i a hasi e reglamento disponibel awor na Papiamentu tambe.
Huurcommissie ta un entidat imparsial i independiente ku ta solushoná konflikto entre e hürdó i esun ku ta hür. Huurcommissie ta yuda hürdó i e doñonan ora nan no ta akordá riba asuntu manera entre otro e preis di hür, mantenementu òf gastunan di servisio. Nan ta evaluá e konflikto basá riba lei i reglamentu i despues nan ta saka un desishon ku tur dos partido mester sigui.
Mirando e importansia di regulamentu aki, Minister Shalten Hato a aprobá e regulashon di proseso i a sòru pa esaki keda tradusí den e idioma papiamentu.
Riba e página abou ta aparesé un link ku por klik pa sigui e reglamentu tantu na e idioma Hulandes komo esun papiamentu.
Vershon na Papiamentu:
Vershon na Hulandes:
