Publiká riba 25 Yüni 2025
Willemstad- Servisio pa Trafikó i Transporte (UOVV) a implementá un sistema di maneho pa garantisá seguridat di su trahadónan i klientenan.
UOVV ke rekordá komunidat di e siguiente regla importante:
Na momentu di bai kùr, solamente e shofùr ta pèrmití di ta den e vehíkulo, riba tereno di Keuringslokaal, na momentu di kùr. E medidanan aki ta pa protehá seguridat di tantu e funshonario di Keuringslokaal komo di públiko general. No ta pèrmití ningun otro persona riba tereno ni den keuringslokaal.
Después di e inspekshon, tur kliente mester keda sintá den nan vehíkulo te ora e funshonario di Keuringslokaal trese e resultado serka dje na e véhíkulo.
UOVV ta gradesí pa e komprenshon i ta sigui enfatisá pa traha sita pa kùr na tempu.
