Publiká riba 07 Mart 2026
WILLEMSTAD – Riba djárason 18 di mart 2026, Su Mahestat Rei Willem-Alexander ta hasi un bishita di trabou kòrtiku na Kòrsou. E bishita ta tuma lugá despues di su programa na Aruba, den kuadro di selebrashon di kuarenta aña Status Aparte (1986–2026) i sinkuenta aña himno i bandera di Aruba (1976–2026).
E tema sentral durante su bishita na Kòrsou ta e situashon geopolítiko. Rei lo bishitá un sentro di enkuentro kultural na Kòrsou. Einan e lo kombersá ku diferente persona di nos komunidat tokante e tenshonnan geopolítiko i e posibel konsekuensianan di esaki pa Kòrsou i pa nos region.
Mas informashon tokante e programa lo sigui via e kanalnan ofisial di komunikashon.
