Notisia

Enkuesta di koyuntura ta un investigashon ku ta enbolbí tur empresa ku tin dies òf mas empleado. Huntu ku esaki tin un sondeo ku ta keda hasi bou di e empresanan ku tin tres te ku nuebe empleado. Pues e ta por parti un sondeo (‘steekproef’).

Dor di hasi un sondeo, ta hasi un aproksimashon di e karakterístikanan di e populashon (tur empresa) den su totalidat. I ta p’esei por duna deklarashon nan  responsabel enkuanto e populashon.

Sierto empresanan finansiero, empresa individual chikitu (‘eenmanszaak’) i fundashon nan no ta inkluí den e enkuesta. Pues, no ta tur empresa na Kòrsou ta keda aserka pa CBS.

 Resultadonan mas importante di Enkuesta di Koyuntura pa aña 2018:

• Di e empresanan ku a partisipá 46 porshento a indiká ku nan a invertí pa e di dos mitar di 2018.  Esaki ta 2 punto porshento mas  ku desèmber 2017 i yuni 2018.
• Di e empresanan 33 porshento a indiká ku nan ta haña nan ku opstákulonan durante di invershon, esaki ta 2% menos kompará ku yüni 2018.
• Opinion di empresanan tokante di nan konfiansa den ekonomia a baha durante e delaster mitar di aña 2018.  E porsentahe di e empresanan ku a indiká ku e konfiansa a baha  a subi di 40  pa 42 porshento. 

•   Opinion relashoná ku klima di invershon a drecha  levemente kompará ku e di dos parti di 2016. Esaki a keda regular na opinion di 66% di e empresanan. (tabata 63% na yüni 2015).  25% di e empresaan e ta malu (tabata 33% na yüni 2016) i solamente 9 porshento di e empresanan ta haña e klima di invershon bon (tabata 6%).

     E porsentahe di empresanan ku tabata tin un resultado positivo a keda kasi mes un kos  kompará ku 2017. Na 2018 e tabata 37 i na desember 2018 e la bira 38%. Mas empresa 56%,  a indiká ku nan tabatin un resultado negativo na desember 2018.

• E indice di koyuntura  a baha di 65% na yuni 2018 pa 60,5% na desember 2018.

Pa mas informashon:

Riba e página prinsipal di e wèpsait di CBS (www.cbs.cw)  por ‘download’ e publikashon kompleto titulá:  “Resultaten Conjunctuurenquete jaar 2018” (na hulandes).

CBS ta gradisí tur e empresanan ku a koperá ku e enkuesta aki.

MAS NOTISIA

Ministerio konserní: Maneho di Gobernashon, Planifikashon i Servisio Públiko