Publiká riba 23 Febrüari 2024
WILLEMSTAD – Pa kumpli ku e “Landsverordening Publicatie Beleidsinformatie Curaçao” (A.B. 1998, no. 4), manera e ta modifiká pa (A.B. 1998, no. 82), Gobièrnu di Kòrsou mester, entre otro, publiká desaroyo di su personal kada luna. Sinembargo, pa motibunan manera e pandemia di COVID-19, lockdown i introdukshon di “Vervroegd Vrijwillige Uitstroom (P.B. 2021, no. 65)”, no tabata posibel pa realisá esaki na tempu durante 2019, 2020, 2021, 2022 i 2023. Pa rekuperá e atraso akí den publikashon, nos ta ofresé bo un resúmen di e desaroyo di personal pa e añanan menshoná.
E kantidat total di empleadonan públiko lo ta repartí den ámtenarnan ku ta traha pa e diferente ministerionan/órganonan estatal (inkluyendo Kustwacht i Konklijke Marine) i na Dienst Openbare Scholen (DOS). Intenshon ta pa entrante 2024, gobièrnu lo kumpli mensualmente ku su obligashon di publikashon segun e “Landsverordening Publicatie Beleidsinformatie Curaçao” (A.B. 1998, no. 4), manera e ta modifiká pa (A.B. 1998, no. 82). Tal publikashon lo tuma lugá via www.gobiernu.cw.
