Resúmen Prekario pa registrashon sekshon D i C
Publiká riba
18 Novèmber 2025
Willemstad – Tim di Prekario ta informá tokante registrashonnan ku a tuma lugá durante e dos último simannan, esta di 3 te ku 14 di novèmber 2025. Esaki tabata dediká na sekshon D i c
Sekshon D a logra bon resultado durante e siman di registrashon:
• tin 103 kliente den Sekshon D
• 71 kliente a registrá, di kual 32 personal a registrá na ofisina, i 39 persona a registrá online
Pa loke ta sekshon C:
- Tin total di 283 kliente den sekshon C
- 187 kliente a registrá, 68 kliente a bin personal, i 119 kliente online
Tim di Prekario ta gradisí tur kliente ku a registrá na tempu. Tambe ta informá ku kliente di sekshon D i C ku no a registrá, ku awor por registrá solamente di forma online via di e link https://vvrp.cw/organisashonnan/prekario/ .
Tim di Prekario ta manda email via di info.prekario@gobiernu.cw tambe na kada kliente, i ta hasi un apelashon na kada kliente pa vigilá esaki.
Den e siman aki, esta di 17 di novèmber pa 21 di novèmber ta toka turno na sekshon B02 pa loke ta registrashon.
