Notisia

Dia 17 di ougùstùs 1795 a kuminsá un lucha pa libertat bou di guia di Tula. Un lucha ku nos heroe nashonal Tula, a pèrde finalmente. Un di e sitionan ku ta testigu silensioso di e periodo di sklabitut awe ta: Savonet.

E plantashi di Savonet tabata e promé plantashon i alabes esun di mas grandi riba Kòrsou (1572 hèktar). Tabatin kultivashon di maishi, apelsina i katuna. Ademas e plantashi Savonet tabata un mayor distribuidó di pintura kolor di madera pa Hulanda. Alabes tabatin na e Plantashi krio di bestia manera karné i kabritu.

Komo rekuerdo di e epiká di sklabitut, na Kòrsou na diferente parti den e area di Bandabou i tambe na Rif, nos ta enkontrá shete (7) monumento blanku ku un man i un pida kadena na e man ku ta indiká e kaminda di resistensia (The trail of resistance).

Riba potrèt nan athunto por tuma nota di un bishita ku Ministerio di Enseñansa, Siensia, Kultura & Deporte a hasi na e Landhuis SAVONET aña pasa. Pa mas foto por klik na e link aki: Bishita na Landhuis Savonet

MAS NOTISIA

Ministerio konserní: Enseñansa, Siensia, Kultura & Deporte