Notisia

WILLEMSTAD – Ministerio di Enseñansa, Siensia, Kultura & Deporte (ESKD) ta informá ku entrante Djaluna 23 Sèptèmber 2019 estudionan di SBO Nildo Pinto Brievengat ta inisiá.

Ministerio di ESKD den estrecho kolaborashon ku Direktiva di Skolnan Públiko ta informá ku, konforme preparashon i aprobashon di vários organisashon, e Skol Sekundario Nildo Pinto SBO ubiká na Kaya Horacio Sprock #4 (Brievengat), lo inisiá Djaluna 23 di sèptèmber 2019.

E estudionan ku ta kuminsá ta:
• Electrotechniek;
• Koeltechniek;
• Autotechniek (motoren);
• Autotechniek (uitdeuken & spuiten);
• Metaaltechniek (lassen);
• Bouwtechniek (timmeren);
• Bouwtechniek (metselen & schilderen) ;
• Nautica (niveau 2 & 3).

Alabes ta informá ku Direktiva di Nilda Pinto SBO mes lo aserká studiantenan den transkurso di e dianan aki pa asina duna e hóbennan informashon relevante enkuanto e programa di estudio. Pa kualke informashon adishonal por tuma kontakto ku Direktiva di Nilda Pinto SBO na +5999 4611838, Servisio di Skolnan Públiko na +5999 4666111 òf via info.doscholen@gobiernu.cw.
—
Sr. Wladimir Kleinmoedig
Direktor di Sektor di Enseñansa & Siensia
Ministerio di Enseñansa, Siensia, Kultura & Deporte

MAS NOTISIA

Ministerio konserní: Enseñansa, Siensia, Kultura & Deporte