Willemstad – Resientemente un delegashon di Sentro di Detenshon i Korekshon Kòrsou a hasi un bishita di trabou na Fuse Caribbean (The Upcycling Factory).
E meta di e bishita akí tabata unu informativo kaminda por a sera konosí ku e planta di produkshon di e kompania i tambe e delegashon a haña un rekorido amplio den e planta di produkshon pa asina por a mira kon ta prosesá plèstik resiklá i ku finalmente ta bira mas duru ku palu pa traha material sostenibel.
Den kuadro di e bishita akí, e kompania lo bai tene workshòp na SDKK den e departamentu di Karpinteria pa asina e klientenan por haña konosementu kon nan por produsí diferente material ku e plèstik resiklá ku ta bira palu.
Den futuro SDKK tambe ke kontribuí ku nos medio ambiente pa kuminsá resiklá den nos instituto.
E delegashon di SDKK a keda sumamente satisfecho ku e bishita di trabou aki.
