WILLEMSTAD: Tradishonalmente e promé djaluna di novèmber ta wòrdu selebrá dia di bedrijfshulpverlener (BHV). Den kuadro di esaki Sentro di Detenshon i Korekshon Kòrsou a pone atenshon na tur personal di SDKK ku ta forma parti di e organisashon di BHV.
Durante di un seremonia di selebrashon a hasi entrega di sertifikado na tur personal di SDKK ku a terminá e kurso di BHV ku éksito. Na e okashon akí a hiba palabra señor Howard Boelijn komo kordinado di BHV na SDKK,Hefe di Seguridat señor Michael Isenia, direktor interino di prizòn señor Anthony Hasselmeijer i tambe señor Renato Vieira Pita representante di BHV Curaçao. Tambe durante e seremonia a tuma lugá un wega di kues pa asina por a wak e konosementu di e meimbronan riba e area i tarea di BHV.
Gerensia ta sumamente satifecho ku e resultado di kurso aki i ta sigur si presentá un kalamidat òf un situashon di peliger den e instituto, nos tin personal sertifiká pa aktua.
