Publiká riba 24 Yüli 2025
Willemstad – Servisio pa Tráfiko i Transporte (UOVV) ta hasi un yamada na tur persona ku ta traha den transporte públiko – manera shòfúr di bùs, shófùr di taksi i otro tipo di transporte – pa renobá nan pèrmit na tempu.
Tur persona ku ta ofresé transporte públiko kontra pago mester kumpli ku e lei di transporte públiko. Bo mester tin un pèrmit bálido: sin pèrmit, bo ta operando ilegalmente (klandestino) i den kaso di aksidente, e pasahero no ta kubri pa seguro. Kòrdá renobá bo pèrmit na tempu!
Nos a notá ku hopi pèrmit a kaduka òf ta serka di vense. Ta esensial pa esnan ku tin un permit pa renoba esaki, pa evitá ku bota traha sin un dokumento válido. Operá sin pèrmit ta kontra lei i por resultá den boet òf suspenshon di bo derecho pa traha.
Evitá retraso den bo trabou.
Nos ta pone énfasis riba e echo ku bo petishon di renobashon mester wòrdú presentá promé ku e pèrmit bin kaduka. Den esei bo ta evitá ku e petishon ta wòrdú konsiderá komo un petishon nobo, ku por trese retraso i pone bo pafo di aktividat temporalmente.
Kiko bo mester hasi pa renobá bo pèrmit?
Bo por renobá bo petishon di renobashon den forma digital. Sòru pa bo tin tur dokumento nesesario. Tur informashon relevante ta disponibel riba e website di e ministerio: www.vvrp.cw tambe por tuma kontakto na e number di whats app +599 9 527 8244.
