Seshon pa koleganan di OW konosé i konektá ku Wendell Bonafacio
Publiká riba
24 Yanüari 2026
Willemstad – Pa un organisashon por funshoná bon, ta importante pa tin un konekshon real entre direktor i tur miembro di e organisashon. Den e kuadro aki, tabatin un seshon pa koleganan di Servisio pa Obra Públiko konosé i konektá ku Wendell Bonafacio komo e direktor interino nobo.
Durante di e seshon aki, Sekretario General di VVRP a delineá e kuadro pa agregá sr. Bonafacio na e gran famia di VVRP, spesifikamente pa OW.
Sra. Fadila Poese, komo shèf di kabinèt di Minister Cooper, a mustra minister su sosten total na optimalisashon di e organisashon.
Sr. Wendell Bonafacio a sali na enfatisá ku ta huntu lo por hiba OW i Kòrsou dilanti.
Koleganan a risibí e oportunidat pa hasi pregunta, duna idea òf sugerensia.
