Sigui VVRP su Whatsapp Channel
Publiká riba
22 Òktober 2024
Willemstad – Ministerio di Tráfiko, Transporte i Planifikashon Urbano (VVRP) ta anunsiá un sistema nobo di publiká notisia di VVRP via di WhatsApp, esta Whatsapp Channel. Nos ta pidi komunidat pa nan sigui e link aki https://whatsapp.com/channel/0029VarWXOM9Bb5scHyxEL1S pa asina nan por sigui e whatsapp channel di VVRP.
Asina bo klek riba e link, bo ta yega na e kanal di Whatsapp di VVRP. Esaki no ta aparesé den e sekshon di “Chat” di WhatsApp, pero den e sekshon di “Channels” ku bo ta haña dor di primi riba e “tab” di “Updates”. Ora ku bo mira e Channel, bo mester primi riba e palabra “Follow” pa por risibí tur notisia di VVRP. Ta importante tambe pa aktivá “Notifications” pa e kanal aki, ya bo sa ora ku VVRP a manda un notisia.
Esaki ta enserá tambe ku nos lo no manda notisia mas via di e sistema bieu di Whatsapp esta via di ‘Chat’, ‘Broadcast list’, òf ‘Groups’ di WhatsApp.
Por sigui nos via di facebook tambe via di https://www.facebook.com/MINVVRP
