Publiká riba 31 Òktober 2023
Wilemstad – Resientemente, Minister Charles Cooper huntu ku Direktor di Outoridat di Aviashon di Kòrsou, sr Peter Steinmetz, a reuní ku representante di e Organisashon Internashonal di Aviashon Sivil (ICAO). ICAO tabata na Kòrsou pa asistí ku diferente presentashon den kuadro di e asina yamá ‘Safety and Security Week’ organisá pa Curaçao Airport Partners (CAP.)
Adishonalmente, a reuní ku Minister Cooper pa splika kiko e ofisina regional di ICAO por hasi pa Kòrsou. Tambe, a reuní ku CCAA pa por risibí asistensia di parti ICAO riba e tereno aviashon sivil
Na e okashon aki, e representante di ICAO a otorgá Minister Cooper un obsekio.
