Publiká riba 19 Mei 2025
Willemstad – resientemente sra. Arlette Nicaela a hasi 25 aña di servisio i tambe sra. Sharmila Hansen a hasi 35 aña di servisio den gobièrnu na prizòn.
Den un enkuentro sosial, Gerensia di SDKK huntu ku e hubilarionan a selebrá i kompartí nan eksperensia di 25 i 35 aña di servisio.
Tambe na e okashon akí nan a risibí nan pin komo hubilario i tambe nan sertifikadó di rekonosementu pa nan labor prestá.
Gerensia i personal di SDKK ta deseá sra. Arlette Nicaela i sra. Sharmila Hansen tur klase di éksito i ku nan sigui hasi e bon trabou.
