Notisia

WILLEMSTAD – Resientemente St. Martinus University, fakultat di medisina na Kòrsou, a haña akreditashon di Agency for Accreditation of Educational Programs and Organizations (AAEPO) pa 5 aña. E universidat a tene un presentashon tokante nan universidat pa minister di Enseñansa, Siensia, Kultura i Deporte (ESKD) sr. Sithree van Heydoorn. 

Ministerio di Enseñansa, Siensia, Kultura & Deporte i ministerio di Salubridat Públiko, Medio Ambiente i Naturalesa a sostené e trayekto.  Inspektor general di Salubridat, sr. Sirving Keli, a guia henter e trayekto di akreditashon di Sint Martinus University. Ministerio di ESKD a apuntá un kolaboradó di maneho, sra. Feiijdi Narvaez-Ayubi, komo un opservadó independiente. E tarea tabata pa duna sosten i verifiká ku tur kos ta kana konforme reglanan stipulá. Tambe nan a sinta den e hunta pa kontestá pregunta ku ta regardá enseñansa riba nivel superior.  

— 

KOMUNIKASHON 

**Riba e potrèt athunto por tuma nota di e kansier sr. Murali Ginjupalli serka minister di ESKD sr. Sithree van Heydoorn. Pa mas potrèt bishitá: Akreditashon St. Martinus University

MAS NOTISIA

Ministerio konserní: Enseñansa, Siensia, Kultura & Deporte