STA CRUZ: The Black Revolt
Publiká riba
21 Ougùstùs 2019
Santa Cruz na 1795: Lucha pa Libertat
Dia 17 di ougùstùs 1795 a kuminsá un lucha pa libertat bou di guia di Tula. Un lucha ku nos heroe nashonal Tula, a pèrde finalmente. Un di e sitionan ku ta testigu silensioso di e periodo di sklabitut awe ta: Sta Cruz.
Ora Tula i diferene katibu na Kenepa a lanta, nan a marcha bai Lagun, kaminda nan a liberá 22 esklavo for di prison. Di Lagun, nan a marcha bai e plantashi di suku Santa Cruz kaminda nan a uni ku mas katibu bou di guia di Bastian Karpata. Tula a sigui guia e grupo di plantashi pa plantashi, liberando mas katibu. Na e mes un momento Louis Mercier, un lider franses a guia un otro grupo di katibu liberá direkshon di Santa Cruz, kaminda ela imprisoná komandante van der Grijp, i dies di su sòldánan. Despues nan a join Tula i huntu sigui ku e lucha pa Libertat!
Komo rekuerdo di e epiká di sklabitut, na Kòrsou na diferente parti den e area di Bandabou i tambe na Rif, nos ta enkontrá shete (7) monumento blanku ku un man i un pida kadena na e man ku ta indiká e kaminda di resistensia (The trail of resistance).
