Publiká riba 21 Mei 2024
Willemstad – Ministerio di Tráfiko, Transporte i Planifikashon Urbano (VVRP) den estrecho kolaborashon ku Ofisina di Turismo di Kòrsou (CTB) ta organisá kurso pa optené sertifikado B pa uso den Transporte Públiko.
E kurso ta keda duna pa e empresa “Nostra Growth” pa kual e kursistanan ta risibí un sertifikado rekonosé dor di Ministerio di Enseñansa, Siensia, Kultura, i Deporte.
E promé grupo ta konsistí di partisipantenan ku a registrá den 2023 ku tabata kumpli ku kriterionan nesesario, pero no a logra forma parti di e grupo di aña pasa pa motibu di skarsedat di kupo. E di dos grupo ta pa personanan ku e aña aki ta interesá pa traha den e sektor di transporte públiko i turismo. Tur 2 grupo ta start dia 20 di mei 2024 i e lèsnan lo tin un durashon di 14 siman. Lo haña lès 4 bes pa siman di 18:00 – 21:00.
Minister Cooper ta deseá éksito na tur kursista!
