Ta para konstrukshon ilegal na Ronde Klip 80 banda di Pitafarm
Publiká riba
12 Febrüari 2024
Willemstad – Riba djaluna 12 febrüari, alrededor 08:19 or mainta, Projectteam Toezicht en Handhaving PTH VVRP, a bin hasi inspekshon di tereno na Ronde Klip 80, pegá ku Pitafarm.
Esaki ta despues ku ayera PTH a enkontrá persona trahando riba un kontrukshon ilegal, apesar di a haña multiple atvertensia pa stòp di kontuí sin un pèrmit di kontrukshon.
Den e kuadro di loke a sosodé ayera, awe PTH a presentá ku kontratista na e sitio enkuestion pa desmatelá tur loke a keda kontruí ayera. Tambe a pasa pa tuma i bai ku tur material di konstrukshon na e sitio.
Ta di lamentá ku asta ora nos pueblo ta disfrutá di Karnaval, tin personanan ta probecha di e situashon pa kometé aktonan ilegal. PTH a aktuá i lo sigui atendé di forma severo den kasonan asinaki.
