E arte di krea i komponé ta unu fasinante, pero semper ta bon pa un hende tin un base di formashon i drenta mas den profundidat pa loke ta trata e tópiko akí.
WILLEMSTAD — Dia 19 di febrüari awor, Ministerio di Enseñansa, Siensia, Kultura i Deporte den estrecho koperashon ku Instituto Nashonal di Idioma Curaçao i AMAK ta organisá un tayer, kaminda ta trata e arte di komponé den idioma Papiamentu.Si abo ta un persona ku ya tin algu di konosementu di krea i komponé, esta skibi letra pa un kansion òf ta interesá pa sa mas di e mundu akí, ata bo oportunidat pa sigui un tayer ku tin durashon di 6 lun. Den e tayer bo ta haña e base di mundu di kreashon i komposishon.
E promé sekshon ta djaluna awor dia 19 di febrüari, kaminda tei presente oradónan manera sra. Elvira Bonafacio, sr. Farley Lourens i sr. Gilbert “Dibo” Doran. Señora E.a Bonafacio ta un eksperto den Papiamentu, miéntras ku sr. F. Lourens i sr. G. Doran ta kompositornan eksitoso den e.o. Festival di Tumba.
Pa partisipá bishitá link https://forms.gle/R92aB4rGKvUn1t7B8 i yena e formulario ku tin den Google Form òf skèn e QR Code ku tin mas abou i yena e formulario.
