Trabahonan di kaya na Souax: Promé fase di konstrukshon di fundeshi ta kuminsá
Publiká riba
09 Febrüari 2025
Willemstad – Minister Charles Cooper huntu ku Servisio pa Obra Públiko ta informá komunidat ku entrante djaluna 10 di febrüari trabounan di drecha kaya ta kuminsá den Soaux. Esaki lo tin un durashon di 7 siman i lo ta e promé fase di ehekushon.
Den e fase aki, lo traha riba e fundeshi di e kaminda, un paso esensial pa garantisá durabilidat i kalidat di e ret di kaminda. E di dos fase di e proyekto, ku lo ta konsentrá mas riba trabou di konstrukshon i asfaltamentu.
Durante di e trabounan, parti di e kaminda lo keda sera temporalmente i lo tin desviashon di tráfiko.. Ta rekomendá pa automobilistanan pa sigui e rutan alternativo indiká i tene kuenta ku algun posibel retraso. OW ta pidi kooperashon i komprenshon di tur hendenan ku ta biba den e área aki i di esnan ku ta uza e kaminda.
