Trabou di mantenshon riba Schottegatweg Noord na áltura di Rio Frio
Publiká riba
21 Ougùstùs 2024
Willemstad – Servisio pa Obra Públiko (UOW) ta informá públiko ku tin trabou di mantenshon planifiká pa Schottegatweg Noord, na áltura di e krusada Suffisantweg/Río Canario. E trabou akí ta parti di nos esfuerso kontinuo pa mehorá i mantené nos kaminda.
Detayenan di e trabou di mantenshon:
- Fecha: Djarason anochi, 21 di ougùstùs
- Ora: Di 8or di anochi te 4or di mardugá
- Durashon: 2 anochi
- Lokalidat: Schottegatweg Noord, na áltura di e krusada Suffisantweg/Rio Canario, serka di Rio-Frio
Durante e trabou di mantenshon, e kaya lo será temporalmente pa tráfiko. Nos ta pidi tur usuario di e kaminda amablemente pa tene kuenta ku esaki i si ta posibel, usa un ruta alternativo. OW ta sumamente agradisí e koperashon i komprenshon.
OW ta hasi esfuerso pa minimisá e molèstèr i kaba e trabou lo mas lihé posibel.
