Publiká riba 16 Yüni 2023
Willemstad – Minister Charles Cooper huntu ku Servisio pa Obra Públiko (OW) ta informá ku entrante djaluna 19 di yüni lo ehekutá trabounan di mantenshon riba Kaya Jacob Posner den Zeelandia, spesifikamente entre E-zone Curaçao i OMNI electronics. Esaki ta debí na mal estado di e kaminda. Trabounan ta dura 1 dia, i kontratista CWM ta enkargá. Orario di trabou lo ta di 7or mainta pa 4or di atardi.
Lo tin trabounan di asfaltamentu, pues lo raspa pa kita e kapa di asfalt, i pone un kapa nobo.
Kaya Jacob Posner lo ta será entre E-Zone Curacao i OMNI electronics. Lo tin bòrchi i barinan pa guia e outomobilistanan via rutanan alternativo.
Ta hasi un apelashon na tur outomobilista pa kore ku koutela i ta pidi diskulpa pa e molèster ku esaki por trese kuné.
