Trabounan pa alsá seguridat di tráfiko na áltura di Gartish riba Schottegatweg West
Publiká riba
18 Mart 2024
Willemstad – Servisio pa Obra Públiko (OW) ta informá ku entrante djamars 19 di mart, lo hasi sierto trabounan pa alsá seguridat di tráfiko na áltura di Gartish riba Schottegatweg West
Manera ta konosí, e bògt aki ta unu peligroso, i awor atraves di infrastruktura ta bai atendé esaki. Lo usa un sistema titulá ‘super elevation’. E sistema aki ta enserá ku ta hasi un parti di e kaya mas elevá. Esaki ta pa evitá ku vehíkulonan ta pèrdè kontròl fasilmente, i ta hasi e maneho di vehíkulo mas fasil. E idea tras di ‘super evstion’ ta pa usa gravedat na bo fabor, enbes di lucha kontra dje.
Kontratista CWM ta enkargá ku ehekushon di e proyekto aki, i trabounan lo tumá lugá for di 7or di mainta te ku 4or di atardi.
Durante ehekushon di e trabounan aki, lo tin desviashon di tráfiko. Ta pidi tur outomobilista pa kore ku koutela i ta gradisí adelantá pa e komprenshon i pasenshi.
