Trabounan riba Elias R. A. Moreno Boulevard
Publiká riba
18 Yanüari 2025
Willemstad – Minister Charles Cooper huntu ku Servisio pa Obra Públiko (OW) ta informá ku trabounan di mantenshon lo tumá lugá riba djadumingu awor 19 di yanüari na Elias R.A. Moreno Boulevard. E trabou lo tumá luga parti mainta i ta konsistí di asfaltá e kaminda ku ta den mal estado.
Kontratista Aliansa lo ta na enkargo di e trabou aki.
Durante ehekushon di e trabou, habitantenan i negoshinan ku ta keda den e área por yega nan kas òf establesimentu normalmente. Pa otro outomobilistanan ku sa hasi uzo di e karetera aki, lo tin ruta alternativo ku lo wòrdu guiá pa bari oraño i bòrchinan.
Minister Charles Cooper i OW ta hasi un apelashon na tur outomobilista pa durante ehekushon di e trabounan aki kore ku koutela.
