Notisia

Willemstad – Ministerio di Tráfiko, Transporte i Planifikashon Urbano (VVRP) a organisá huntu ku Ministerio di Finansa/Belastingdienst, Ministerio di Gobernashon, Planifikashon i Servisio Públiko (BPD), i Ministerio di Asuntunan General, un training dirigí riba seguridat di informashon. Ku e training aki, empleadonan a keda mihó prepará pa traha ku datonan sensibel na forma sigur, i pa kumpli ku e normanan di ‘Baseline Informatiebeveiliging Overheid’ (BIO).

Mirando ku empleadonan públiko ta traha tur dia ku informashon konfidensial i sistemanan digital, i pasobra peliger nan digital manera ‘ransomware’ i filtrashon di data ta oumentá, e enfoke tabata riba oumentá konosementu, konsientisashon i abilidatnan práktiko. A kombiná teoria ku ehèmpelnan práktiko i kasonan real.

E promé ronda di training a tuma lugá ku un grupo chikí di diestres (13) empleadó – seis di VVRP, un di Finansa/Belastingdienst, sinku di BPD – i 1 empleado di AZ, loke a hasi guia personal i adaptashon na práktika posibel. Den 2026, mas empleadonan ku ta traha ku informashon sensitivo lo haña oportunidat pa sigui e training.

E training a keda duná pa e kompania Caribglobal Data Services (CDS) i a kuminsá riba 4 di febrüari 2026. E programa a dura tres dia kompletu i a eksihí partisipashon aktivo di tur partisipante.

Ku e inisiativa aki, e ministerionan a duna un paso importante den direkshon di un gobièrnu digital mas sigur i konfiabel.