Trayekto di Legalisashon pronto lo ser lansa
No mester drenta pániko
WILLEMSTAD – Ministerio di Hustisia den kolaborashon ku Ministerio di SOAW ta trahando aktualmente riba e trabounan den preparashon relashoná ku e trayekto Rib’e Lugá.
Ta trata di un trayekto temporal ku e propósito pa registrashon i legalisashon ku ainda ta den desaroyo. E aspektonan di kontenido, aspekto hurídiko i di ehekushon di e trayekto aki ainda ta bou di elaborashon mas detayá den kolaborashon ku e instansianan envolví.
E preparashonnan pa e trayekto ta den un estado hopi avansá. Informashon mas detayá tokante e kondishonnan, i e manera di implementashon lo wòrdu publiká via e kanalnan ofisial asina ku por komuniká esaki formalmente.
Ministerio di Hustisia ta enfatisá ku tur informashon ku ta bini for di otro fuente no por wòrdu derivá ningun derecho ni speransa. Pa informashon ofisial, siguí e kanalnan ofisial di Gobièrnu di Kòrsou. No ta nesesario na e momentunan aki pa akudí na Servisio di Atmishon pa tuma ningun informashon adishonal. Minister di Hustisia huntu ku Minister di SOAW i e partnernan enbolbí den e trayekto lo tene un konferensia di Prensa djaweps 26 di mart 2026 pa duna mas informashon di e trayekto di Rib’é Luga. [FIN DI KOMUNIKADO]
