Servisio di Atmishon ta informá ku entrante djaluna 14 di sèptèmber 2020, tur usuario ku ta akudí na Servisio di Atmishon konforme nan sita, mester hasi uso di un tapaboka. Kada persona mester sòru pa su propio tapaboka. Ta introdusí e medida aki komo protekshon pa tantu e usuario komo e personal di Servisio di Atmishon.
Servisio di Atmishon ke rekordá su usuarionan ku na momentu ku ta akudí na ofisina, pa hasi uzo di e handsanitizer ku tin disponibel tantu na porta komo na bali i tambe mantené e distansia sosial. Riba dia di sita mester presentá sinku (5) minüt promé ku e orario pa asina evitá aglomerashon.
