Notisia

Willemstad – Ministerio di Desaroyo Ekonómiko (MEO) ta informá tur interesado tokante e último fechanan pa hasi petishon pa pèrmit temporal di standplaats i venten pa marchanan di Seú 2026.

Esnan ku ta planiá pa bende kos riba e rutanan di e marchanan aki mester tene kuenta ku e siguiente fechanan:

• Pa Marcha di Seú di Pariba ku ta tuma lugá 6 di aprel 2026, e último dia pa apliká ta 20 di mart 2026.
• Pa Marcha di Seú di Pabou ku ta tuma lugá 12 di aprel 2026, e último dia pa apliká ta dia 27 di mart 2026.

Por hasi petishon durante oranan di ofisina na Lokèt di Pèrmit, Departamentu di Intake, na Saliña 127 (pegá ku Subway). Tambe ta posibel pa entregá petishon online via: https://loketdigital.gobiernu.cw/evenementen-en-horeca.

MEO ta  hasi un apelashon na tur interesado pa entregá nan petishon na tempu pa asina evitá retraso den prosesamentu.

Pa mas informashon por bishitá https://loketdigital.gobiernu.cw/evenementen-en-horeca, por yama 433-3123 òf por manda WhatsApp via 433-3127.

MAS NOTISIA

Ministerio konserní: Desaroyo Ekonómiko