UOVV i ‘keuringslokaal’ será riba 20, 22, 27, i 29 di yanüari parti mainta
Publiká riba
13 Yanüari 2025
Willemstad – Servisio pa Tráfiko i Transporte (UOVV) ta informá ku nan lo ta será pa públiko parti mainta riba dianan 20, 22, 27 i 29 yanüari 2025. Esaki ta enkonekshon ku un training interno pa tur empleado di e servisio.
Lamentablemente, durante oranan di mainta riba e dianan menshoná, UOVV no por duna niun tipo di servisio manera ‘overschrijving’, ‘registratie’, kùr vehíkulo, ni transporte públiko.
UOVV ta habri bèk mèrdia pa 1.30pm pa duna e servisionan kustumbrá. UOVV ta pidi su diskulpa pa kualke inkumbinensia ku esaki por kousa.
