Van der Stokstraat ta bira un via di ‘tweerichtingsverkeer’ bèk entrante 2 di febrüari
Publiká riba
18 Yanüari 2024
Willemstad – Servisio pa Obra Públiko (OW) ta informá ku entrante 2 di febrüari Van der Stokstraat ta bira un via di ‘tweerichtingsverkeer’ bèk.
E kambio aki ta pa mehorá aksesibilidat i seguridat di tráfiko. “Van der Stokstraat” ta konektá ku Franklin D. Rooseveltweg, i antes tabata un via di dos direkshon, esta un ‘tweerichtingsverkeersweg’.
Dor di seguridat di klientenan ku no tin bon bista riba e tráfiko ora tabata sali for di e tereno di ántes UTS, a hasi esaki un ‘eenrichtingverkeersweg’ den pasado. Aktualmente UTS, awor aki FLOW, a sera e lokalidat aki i esaki ya no ta forma un peliger mas pa tráfiko.
