VVRP ta duna mas informashon tokante kasonan den Korte kontra ATV tours
Publiká riba
30 Yanüari 2026
Willemstad – Ministerio di Tráfiko, Transporte i Planifikashon Urbano (VVRP) a wordu pone den su derechi atrobe den dos kaso hudisial den e siman aki.
Den e promé kaso, Korte a deklará ku e demanda di ATV tours kontra gobièrnu no ta atmisibel. E partido konserní mester paga e gastunan di proseso.
Den e di dos kaso, Korte Komun tambe a deklará e apelashon no-atmisibel. Esaki ta nifiká ku e desishonnan di e minister ta keda bálido.
Ku e dos desishonnan aki, ya ta e di sinku biaha konsekuente ku e ministerio ta gana den e proseso legal relashoná ku e tema di ATV tours.
Pues esaki ta nifiká ku ATV Tours lo tin ku kita su establesimentu for di e sitio indiká, manera Projectteam Toezicht en Handhaving (PTH) a duna òrdú for di un promé instansia.
E ministerio ta tuma nota di e resultado aki i lo sigui traha di un manera hustu, kla i segun lei, semper den interes di nos komunidat.
