Publiká riba 23 Novèmber 2025
Willemstad – Resientemente, Ministerio di Tráfiko, Transporte i Planifikashon (VVRP) a organisá su di dos Directeurenoverleg di 2025. Durante e seshon aki, direktornan i representante di e organisashonnan di VVRP a wak bèk riba e momentonan importante di 2025 i a traha ku un bista fresku riba e metanan i ambishon pa 2026.
E mainta a kuminsa ku un bon biní di parti Sekretario General, siguí ku un progrma ofisial.
Éksito den “spotlight”
Servisio pa Tráfiko i Transporte huntu ku Servisio Meteorológiko Kòrsou a presentá nan logronan prinsipal di aña. For di proyektonan inovativo te ku mehorashon den servísio, éksitonan di 2025 a keda kompartí den un manera inspirativo, pa lanta hopi orguyo i motivashon.
Aporte tremendo di Jandino Asporaat
Un momentu speshal den e programa tabata e presentashon di Jandino Asporaat. Ku su kombinashon úniko di humor, liderato i bista kreativo, Jandino a inspirá i motivá partisipanten, i duna nan perspektiva nobo pa traha ku mas animo i inovashon.
Despuues di un seshon kòrto di pregunta, i e klousura ofisial, a sigui ku un momentu informal, kaminda presentenan por a sigui kompartí nan idea i fortifiká konekshon.
E di dos Directeurenoverleg 2025 tabata un símbolo di konekshon, reflekshon i progreso. Ku un spiritu nobo, e ministerio ta sigui traha riba un Kòrsou sigur, sostenibel i prepará pa futuro.
