VVRP ta warda veredikto di hues den kaso sivil entamá pa ATV Tours
Publiká riba
19 Yanüari 2026
Willemstad – Riba djabièrnè 16 di yanüari 2026, a tuma lugá e kaso ‘kortgeding’ den korte sivil entamá pa representantenan di ATV Tours kontra Ministerio di Trafiko, Transporte i Planifikashon Urbano (VVRP). VVRP ta warda riba e veredikto di Hues den e kaso aki ku lo sali dia 30 di yanüari 2026, manera e Hues a indiká.
Na desèmber 2025 a hasi palabrashonnan konkreto pa por fasilitá sr. Raphaela, despues ku VVRP a gana varios kaso. Apesar di esaki, representantenan di Sr. Raphaela a entamá un kaso estilo ‘kortgeding’ den korte sivil. Pues VVRP awor ta opta pa mihó warda riba e veredikto promé ku sigui ku kualke akshon.
