Publiká riba 04 Mart 2025
Willemstad – Ministerio di Hustisia ta invitá komunidat na Wòk’i Tòk’i Prevention Expo, un evento interaktivo enfoká riba prevenshon i seguridat. E lo tuma lugá dia 8 i 9 di mart na Convention Center Sambil di 11:00 A.M. pa 8:00 P.M. i entrada ta grátis.
Bishitantenan lo tin e oportunidat pa asistí na tayernan informativo, bishitá stèntnan i papia ku ekspertonan tokante seguridat I medidanan preventivo.
Organisashonan ku lo tei presente ta entre otro Kuerpo Polisial Kòrsou, JJIC (antes GOG), Reclassering, Kustwacht, Interpol, SDKK, Brandweer, Un Komienso Nobo, Justitiele Zorg, PATH Curaçao i Kiko i e Man.
Ademas di informashon balioso aki, durante e evento lo tin demostrashonan I entretenimentu. Bishitantenan tin chèns di gana material edukativo ku por usa sigur pa prevení. Esaki ta un oportunidat úniko pa siña, ‘network’ i kontribuí na un Kòrsou mas sigur.
No pèrdè e evento I djòin e movementu akí pa un komunidat fuerte i konsiente di prevenshon.
