Publiká riba 01 Novèmber 2020
Den oranan di atardi, Promé Minister Eugene Rhuggenaath huntu ku Sekretario di Estado di Hulanda enkargá ku Asuntunan Interior i Relashon di Reino, Raymond Knops, a yega Kòrsou despues di un fin di siman di trabou duru pa por a finalisá e akuerdo polítiko entre Kòrsou i Hulanda. Mañan, djaluna 2 di novèmber 2020, ta bai firma e akuerdo polítiko entre Kòrsou i Hulanda pa e reforma i desaroyonan struktural ku Kòrsou ta bai traha riba dje huntu ku Hulanda.
Por sigui e Konferensha di Prensa Konhuntu, mañan, djaluna 2 di novèmber 2020, pa 10’or di mainta via di Gobièrnu di Kòrsou su kanalnan ofisial òf bo media preferí.
